Desde a Asociación Provincial de Graniteiros de Ourense (APG Ourense) temos o pracer de convidarche á Xornada Técnica: «Normativas, oportunidades e recursos para o sector da pedra natural”, que terá lugar o mércores 18 de xuño de 2025 ás 13:00 horas, na sede de APG Ourense, sita na Confederación Empresarial de Ourense (Praza das Damas, 1 – Ourense).
Esta xornada está dirixida a empresarios e profesionais do sector da mármore, granito, pedra natural e materiais, e ten como obxectivo informar e sensibilizar sobre os riscos que supón a exposición ao pó de sílice para a saúde dos traballadores e para a viabilidade legal e económica das empresas, así como abordar as obrigas normativas e oportunidades de mellora no sector.
Xornada Técnica: «Normativas, oportunidades e recursos para o sector da pedra natural”
- Data: Mércores, 18 de xuño de 2025
- Hora: 13:00 h
- Lugar:Sede de APG Ourense – Confederación Empresarial de Ourense (Praza das Damas, 1 – Ourense)
—
PROGRAMA
13:00 h | Apertura institucional
13:15 h | Mesa técnica: Consecuencias legais do traballo con sílice – Sancións e como evitalas
A sílice cristalina respirable está recoñecida como axente canceríxeno. A súa exposición en condicións inadecuadas ten graves consecuencias para a saúde e a viabilidade das empresas.
Temas clave:
- Que límites legais non se poden superar?
- Efectos reais da inhalación prolongada.
- Normativa vixente e obrigas do empresario.
- Técnicas e medidas para a redución da exposición.
- Sancións administrativas e responsabilidades legais.
Relatores:
• Francisco Hita López. Responsable de saúde laboral e formación no Centro Tecnolóxico do Mármore, Pedra e Materiais.
• Mª Teresa Pérez Blanco. Xefa do equipo técnico de medicina laboral no Instituto de Seguridade e Saúde Laboral de Galicia (ISSGA) da Xunta de Galicia.
• Alfonso González Moral. Docente en prevención de riscos laborais e colaborador técnico de APG Ourense.
14:15 h | Espazo para o diálogo e ágape
Un tempo de encontro informal para intercambiar experiencias, inquietudes e reforzar vínculos entre profesionais e empresas do sector.
Inscricións gratuíta | Confirma a túa asistencia:
- Pincha aquí
- Manda un email a: asociacion@apgourense.com
- Chama ao: 988 391 110
